II MOSTRA DE ELABORACIÓN DE MENÚS

  Os días 12 e 18 de febreiro, levouse a cabo no colexio a II Mostra de elaboración de menús. Esta actividade dirixida ás familias contou coa colaboración da cociñeira do centro, Sandra Varela. 

Participaron 9 nais (6 o primeiro día e 3 o segundo).

Sandra amosoulles os produtos que se utilizan para a elaboración dos menús explicando en que condicións deben conservarse. 

  Comentoulles a importancia do uso do forno a vapor, que conserva moito mellor as propiedades dos alimentos.

  Finalmente poideron comprobar como se elaboraban os menús de dous días: fabada e luras guisadas con patacas; potaxe de garavanzos e polbo con patacas.

DÍA DO LIBRO NO COMEDOR ESCOLAR

XANTAR DE ANTROIDO

OVOS Ó PLATO FLAMENCO

Mmmmmmm!!! Este prato estaba exquisito. Pero o mellor de todo é que Sandra, a cociñeira, nos fixo un pequeno "exame" para saber como andaban os nosos coñecementos sobre o valor nutritivo deste prato.

Primeiro preguntounos se eramos capaces de distinguir polo sabor os ingredientes básicos, e logo se saberíamos decir a que grupo pertencía cada un: proteínas, graxas, vitaminas...

Prometeu regalarnos un micrófono dos "40 Principais" se contestabamos correctamente. Aarón de 6º deu a resposta correcta e levou o premio. Noraboa Aarón!

Menú "Alicia"

O venres 15 de abril celebramos o día do libro. Este curso adicámosllo a Lewis Carrol, sendo a súa novela "Alicia no país das Marabillas" a protagonista da xornada.

As cociñeiras Sandra e Lola esmeráronse desde a víspera facendo os preparativos para que todo estivera a punto, especialmente a tarta da sobremesa que requeriu unha delicada elaboración.

Sandra, a encargada do comedor, encargouse da decoración das mesas para que non faltara detalle e o ambiente fose o máis real posible.

A todas vós, o noso agradecemento polo traballo ben feito.

XANTAR DE ANTROIDO

Xa que estamos celebrando o antroido imos completar a festa co aspecto gastronómico.
Aí vai unha de lacón con grelos!!!
Grazas cociñeiras, estaba ben rico.

SANDRA PREPARA NUGGETS DE POLO

Queres saber como se prepara o rebozado dos nuggets de polo?
Preme no vídeo e toma nota do que fai Sandra, a cociñeira.