O pasado 13 de febreiro celebramos o Entroido no noso colexio e, como non podía ser doutro xeito, tamén no comedor escolar vivimos esta festa dunha maneira moi especial.
O alumnado de 5º de Educación Primaria, baixo a supervisión das nosas cociñeiras, participou na elaboración dun doce tradicional destas datas: as orellas de Entroido.
Durante a actividade, o alumnado implicouse activamente en todo o proceso de preparación, traballando de maneira organizada e colaborativa. Foi unha experiencia moi enriquecedora na que puideron achegarse á tradición gastronómica galega, aprender hábitos de cociña e reforzar valores como a cooperación, a responsabilidade e o traballo en equipo.
As orellas elaboradas servíronse como sobremesa no comedor ese mesmo día, convertendo a celebración nun momento aínda máis especial para toda a comunidade educativa.
No hay comentarios:
Publicar un comentario