O venres 23 de abril (día do libro), non quixemos desentoar coas actividades que estaban preparadas desde a biblioteca. Ás 10.00 h deu comezo a maratón de lectura, adicada este ano á obra "A illa do Tesouro" de Stevenson. Así que, unha vez lanzada a idea ó aire...Oído cociña!!
Mans á obra para preparar o menú pirata. Esta vez o traballo requeriu máis esforzo do habitual, pero a tripulación deste barco non lle ten medo a nada. Grazas a Sandra, a encargada de comedor, a decoración resultou do máis orixinal. Coa boa disposición e a paciencia de Lola e Sandra, as cociñeiras, o menú estivo no seu punto. Xa quixeran os piratas de Stevenson sentar á nosa mesa!
