CHARLAS DE SLOW FOOD COMPOSTELA

O martes 26 de outubro recibimos a visita de Leonor Lorenzo Abalo, presidenta de Slow food Compostela que, xunto con outra compañeira, ofreceron unhas charlas informativas ao alumnado de 5º e 6º EP.

Esta actividade formaba parte da II Campaña "Come Local" que se iniciou no mes de marzo deste ano.

Falaron da importancia da boa alimentación non só polos beneficios que aporta, senón tamén porque favorece a conservación do medio.

 

Abordaron cuestións como o consumo de produtos de cercanía e de tempada, as denominacións de orixe de Galicia...

Agardamos poder participar na próxima campaña de "Come Local".

PROXECTO ECOCOMEDORES ESCOLARES

 

Produtores locais e colexios volver unir camiños arredor do proxecto Ecocomedores Escolares

Nani Moré, da consultora Mengadors Ecologics, levou o peso da charla do proxecto do GDR Costa da Morte.

Volveron as reunións presenciais arredor do proxecto de Ecocomedores Escolares que coordina o GDR Costa da Morte. Un fermosísimo proxecto, que trata de unir os camiños das cociñas dos colexios da nosa comarca cos produtores locais, para fomentar unha cociña máis saudable, máis sostible, e que nos sirva para irmos poñendo en valor os produtos de temporada e de proximidade.

E tamén para que os centros de ensino da zona poida incluír a alimentación dentro do proceso educativo. “A alimentación nun colexio ten que ser como unha asignatura”, explica José Antonio Vila, o xerente do ente comarcal. “Se hai algún pai que protesta porque ao seu neno non lle gustan as Matemáticas, a que ninguén se atrevería a quitalas?”, reflexiona. Sería unha ferramenta ideal para mellorar o equilibrio nutricional e educar o padal dos escolares.

O proxecto, coordinado coa axuda da iniciativa catalá “Mengadors Ecologics”, sufriu un parón pola pandemia, e malia que se mantiveron os contactos a través de videoconferencia, fan falta estas sesións presenciais para reactivalo. Á deste mércores acodiron representantes de 7 colexios costeiros e outros tantos produtores.

O proxecto suma todo para ser unha aposta segura. “Hai que aproveitar máis este proxecto, porque os colexios da Costa da Morte teñen a sorte de ter aínda cociña propia, e pódese seguir evitando os cáterings e usar produto do territorio”, sinala Vila, en sintonía co que nos contaba Sandra Varela, a cociñeira do CEIP Os Muíños membro da RedChef2023 hai un par de anos: “É un crime que esteamos abrindo croquetas conxeladas nos comedores escolares”.

Ademais, dende o GDR focalizan en que apostar por unha comida saudable e de proximidade non supón un incremento dos custes para os centros de ensino. Si que é necesario o compromiso, a medio prazo tanto das direccións e o persoal de cociña dos centros, como dos produtores. Os primeiros terían que unifiicar pedidos, para facilitar aos produtores poder formular as prantacións temporada a temporada.

E para iso o grupo de traballo está poñendo en marcha un “Menú tipo” (menús escolares adaptados ao territorio) que poida ser compartido polos centros participantes, que facilite a labor das cociñas e sirva aproveitar mellor as producións, como fan en moitas partes de Cataluña, ou mesmo na zona das Mariñas.

SANDRA NA RED CHEF

 

A cociñeira do CEIP Os Muíños, unha das grandes valedores da cociña de proximidade nos centros de ensino no rural, que trata de espallar a súa experiencia de cociña saudable nos comedores escolares coa posta en común cos produtores locais estivo en Barcelona. Foi no marco dunhas xornadas de traballo da Rede Chef 2030, colectivo do que forma parte dende hai uns meses.

Unhas xornadas no marco da Semana na Capital Mundial da Alimentación de Barcelona, de cheas de ilusión e profesionalidade, tratando de convertir a súa profesión nun hobbie, aprendendo e mellorando. A idea foi presentar un menú ecolóxico degustación para 200 persoas con produto todo local.

Sandra convírtese xa en asesora da rede en caso de que algunha entidade galega ou da Costa da Morte queira entrar na rede. E de feito, este mércores ás 17:00h no Centro Sociocultural de Baio continúa en marcha o proxecto dos Ecocomedores da Costa da Morte a través do GDR cunhas novas “Xornadas de promoción e sensibilización, menús de temporada calor para comedores saudables e sostibles con circuitos curtos de comercialización”. Hai case unha decena de centros e media ducia de produtores confirmados e dende o grupo esperan maior implicación.