BENVIDOS Ó BLOG DO COMEDOR ESCOLAR DO C.E.I.P. OS MUÍÑOS

Un saúdo a todos os que vos achegades ata esta ventá informativa. Con este blog queremos dar a coñecer un dos Servizos Educativos Complementarios do noso centro escolar. Explicarvos cal é a súa finalidade, como funciona, que persoas traballan nel, quen se pode beneficiar do seu uso, como se preparan e seleccionan os menús..., en definitiva, todo o que estea relacionado co comedor e coa súa xestión. Visitádenos de vez en cando e deixade os vosos comentarios. Estamos seguros de que as vosas aportacións axudarán a mellorar este servizo na medida do posible.

domingo, 16 de abril de 2023

SEGUNDO COCIÑA... ENSALADA DE ESPINACAS!

Hoxe tocoulle ao alumnado de 2º EP achegarse ó comedor para elaborar unha ensalada de espinacas, amorodos e queixo fresco.

Contando coa colaboración e asesoramento da nosa cociñeira Carolina, os "axudantes de cociña" cortaron o queixo en tacos, trocearon os amorodos e mesturaron os ingredientes para a elaboración final da ensalada.

O resultado foi moi produtivo e os comensais do comedor disfrutaron deste manxar ao mediodía.

Bo proveito!

Publicado por en

No hay comentarios:

Publicar un comentario

Suscribirse a: Enviar comentarios (Atom)