COS PÉS NA TERRA. PASTEL DE REMOLACHA

Este curso o Proxecto Documental do centro leva por título "Cos pés na terra". En torno a este tema estudaremos o coidado do planeta, os animais que viven sobre a terra ou debaixo dela, os oficios e traballos que dependen da terra e, como non, as materias primas que proporciona a terra para a nosa alimentación. Con este último aspecto está moi relacionado o papel do comedor escolar, xa que a diario utilizamos produtos da terra para a elaboración dos menús.

Hoxe foi un bo día para que o alumnado de 6º EP desenvolvera o seu nivel competencial no comedor elaborando con Sandra un pastel de remolacha. Partindo dunha ficha técnica deste doce utilizaron as matemáticas para pesar, a xeografía para coñecer a procedencia dos ingredientes, manexaron vocabulario específico dos útiles de cociña e traballaron en equipo colaborativamente para obter o produto final.

Aquí deixamos unha mostra:

Como ademais coincidiu que en 6º EP se está estudando a alimentación en Ciencias Naturais, aproveitouse para ampliar os coñecementos explicando o dano que pode causar o exceso de azucre nos alimentos procesados e a importancia de equilibrar o menú tendo en conta o Prato de Harvard.

X MOSTRA DE ELABORACIÓN DE MENÚS

Os días 17 e 30 de outubro as familias do noso alumnado estiveron convidadas a visitar o comedor escolar para asistir á décima edición da mostra de elaboración de menús.

                                         

Nesta actividade, na que sempre contamos coa colaboración de Sandra, a cociñeira, amosáronse os produtos para a elaboración do menú do día (todos eles de proximidade, frescos e de tempada), explicouse a vantaxe da utilización destes produtos fronte aos envasados e a cantidade de azucre que conteñen os procesados. Para finalizar as familias degustaron unha crema, hamburguesa de garavanzos, empanada e iogures ecolóxicos. 

ESTA SEMANA DE MAIO XANTAMOS...

Luns:

* Sopa de verduras

* Filete de porco con arroz

* Mazá

Martes:

* Tostas con tumaca

* Costela con garavanzos e verdura

* Pera

DÍA DO LIBRO: MENÚ CASTREXO

Como este curso o tema do Proxecto Documental Integrado é "A cultura castrexa", desde o comedor escolar tamén quixemos sumarnos un ano máis a esta proposta elaborando un menú castrexo. Logo dun labor de investigación, averiguamos que os habitantes dos castros se alimentaban de:

🍲 Potaxe de fabas

🍖 Costela de porco asada con verzas

                                       

🍪🍯 Filloas con mel e arandos

👌Moitas grazas ás nosas cociñeiras Carolina e Asun pola elaboración deste menú tan especial.

ESTA SEMANA DE ABRIL XANTAMOS...

 Luns:

* Caldo

* Filete de pavo con ensalada de leituga, mandarina e améndoa tostada

* Biscoito

Martes:

* Lentellas

* Ensaladilla

* Plátano

Xoves:

* Xudías salteadas

* Peixe ao forno con patacas asadas e verduras de tempada

* Kiwi

Venres:

* Ensalada de canónigos, espinacas, amorodos e queixo fresco

* Espaguetis carbonara

* Piña

APRENDEMOS A FACER UNHA TORTILLA DE PATACAS

A semana do 18 de marzo o alumnado de 6º EP traballou na aula sobre unha noticia que saíu na prensa o Día Mundial da tortilla de pataca. Ademais do labor de investigación sobre a orixe da tortilla francesa e as distintas elaboracións da tortilla de patacas, a actividade rematou no comedor escolar elaborando unha tortilla entre todo o alumnado coa colaboración das cociñeiras Carolina e Asunción. 

Aquí deixamos unha mostra da actividade:

ESTA SEMANA DE MARZO XANTAMOS...

Martes:

* Crema de porro.

* Empanada de atún con ensalada de escarola e mazá.

* Plátano.

Mércores:

* Ensalada de leituga, espinacas, granada e mazá.

* Migas de bacallao con arroz e verduras.

* Pera.

Xoves:

* Caldo de repolo e garavanzos.

* Tortilla de espinacas con salsa de remolacha.

* Mazá.

ESTA SEMANA DE MARZO XANTAMOS...

 Mércores:

* Ensalada de espinacas, laranxa, queixo e pistachos.

* Peixe ao forno con pataca cocida e cenoria.

* Mandarina

Xoves:

* Coliflor con allada

* Filete de tenreira con ensalada de pasta e vexetais.

* Natillas de chocolate