XI MOSTRA DE ELABORACIÓN DE MENÚS

Coma todos os anos no mes de outubro, organizamos unha xornada de portas abertas no comedor escolar. 

Nesta actividade, na que sempre contamos coa colaboración de Sandra, a cociñeira, amosáronse os produtos para a elaboración do menú do día (todos eles de proximidade, frescos e de tempada), explicouse a vantaxe da utilización destes produtos fronte aos envasados e a cantidade de azucre que conteñen os procesados. Para finalizar as familias degustaron arroz integral con verduras de tempada, garavanzos con acelgas e cenoria, pasta con salsa de remolacha, cenoria con humus de garavanzo e iogur ecolóxico.

 

COS PÉS NA TERRA. SOPA DE MELÓN

Rematamos cos obradoiros de cociña dentro do Proxecto Documental Integrado deste curso: "Cos pés na terra". Nesta ocasión o alumnado de 1º e 2º EP elaborou con Sandra sopa de melón. 

Comezamos por nomear os ingredientes e saber as cantidades necesarias para facer a sopa, logo veu o proceso de trocear e mesturar, e por último degustar.

Aquí deixamos unha mostra do traballo:

COS PÉS NA TERRA. CHÍCHAROS E XUDÍAS

Continuamos desenvolvendo actividades en torno ao tema anual "Cos pés na terra". Nesta ocasión foi o alumnado de Infantil quen desenvolveu as súas destrezas no comedor pelando chícharos e troceando xudías. 

Unha forma moi amena de traballar a psicomotricidade fina.

Aquí queda unha mostra da tarefa realizada. Bo proveito!

COS PÉS NA TERRA. CROQUETAS

Continuamos cos obradoiros de cociña dentro do Proxecto Documental Integrado deste curso. Neste caso o alumnado de 3º EP colaborou con Sandra na elaboración de croquetas. 

Comezamos por aprender o nome dos ingredientes e as cantidades necesarias para facer a masa, logo veu o proceso de darlles forma e rebozar, e por último o cociñado.

Aquí deixamos unha mostra do traballo:

DÍA DO LIBRO NO COMEDOR ESCOLAR

O mércores 23 de abril celebramos no colexio o Día do Libro organizando desde a biblioteca un maratón de lectura. Como este ano o PDI é "Cos pés na terra", o exemplar elexido para o maratón foi a novela de Daniel Defoe "Las aventuras de Robinson Crusoe".

Como xa é habitual, o comedor escolar uniuse á iniciativa do Día do Libro e as cociñeiras prepararon un menú especial a base de produtos que o propio Robinson utilizou na illa para alimentarse. Ademais, todos os alimentos estaban situados nunhas "illas" no centro do comedor para que o propio alumnado poidera servirse.

Aquí queda unha mostra da experiencia:

DÍA INTERNACIONAL DA ESPINACA

O mércores 26 de marzo foi o Día Internacional da Espinaca:

Este produto estivo presente no noso menú:

-Como ensalada para completar o 2º prato

-E na sobremesa como ingrediente no batido de froitas

APOSTANDO POLO PRODUTO DE PROXIMIDADE E TEMPADA

 

COS PÉS NA TERRA. LASAÑA DE CARNE

Continuamos cos obradoiros de cociña dentro do Proxecto Documental Integrado deste curso. Neste caso as compañeiras e compañeiros de 4º EP axudaron a Sandra na elaboración de lasaña de carne. 

Comezamos por aprender o nome dos ingredientes para facer a pasta fresca, logo veu o proceso de amasado, a continuación o laminado da masa cunha máquina de manivela e, para finalizar, a colocación da carne e a bechamel.

Aquí deixamos unha mostra do traballo:

CELEBRAMOS O DÍA MUNDIAL DOS LEGUMES

O 10 de febreiro conmemoramos o día mundial dos legumes cun prato elaborado a base de verdinas, cabaza e shiitake:

COLABORAMOS CON SLOW FOOD COMPOSTELA NA PREPARACIÓN DO DÍA MUNDIAL DOS LEGUMES

 

Slow Food Compostela

Aproveitando que falta pouco para o 𝐃𝐢́𝐚 𝐌𝐮𝐧𝐝𝐢𝐚𝐥 𝐝𝐨𝐬 𝐋𝐞𝐠𝐮𝐦𝐞𝐬 que se celebrará o vindeiro 𝐝𝐞 𝐟𝐞𝐛𝐫𝐞𝐢𝐫𝐨, e tamén que temos unha iniciativa de colaboración entre os 𝐜𝐨𝐦𝐞𝐝𝐨𝐫𝐞𝐬 𝐞𝐬𝐜𝐨𝐥𝐚𝐫𝐞𝐬 e os 𝐞𝐬𝐭𝐚𝐛𝐥𝐞𝐜𝐞𝐦𝐞𝐧𝐭𝐨𝐬 🅺🅼 0 da nosa rede, hoxe compartimos convosco unha receita ideal para celebrar ese día en calquera escola e que de seguro fará as delicias de tan esixentes e importantes comensais, como son os nosos cativos e cativas

Grazas Sandra Varela Amado do CEIP Os Muíños de Muxía.

#slowfoodcompostela #slowfood #km0galiciaslowfood #comedorescolarkm0 #redekm0deGalicia #DíaMundialdosLegumes #WorldPulsesDay #DíaMundialdelasLegumbres Biblioteca Ceip Os Muíños Concello de Muxía

km0galiciaslowfood.com

Preme aquí para visualizar a receita.